Transcription
1
Monseigneur, je vous ay escrips illaya quelque temps par
2
monsieur de Trechenus et me samble que je vous faisoys
3
antendre l’estat et fasson de vivre duquel nous avions
4
usé depuis que nous sommes esté arrivé en ce lieu et depuis
5
ma dernière lettre, monsieur de Veynes a forny à monsieur
6
de Laval troys cens frans, que sont en somme six cens
7
livres que nous avons resceu par ses mains.
8
Ce néanmoyns cella esté d’advis faire prandre à mondict sieur
9
de Laval troys cens frans que monsieur Maniquet s’en allant
10
en Dauphiné luy a délivré espérant que luy seront
11
ranboursés de par della si esté pour la crinte que mondit sieur
12
de Veynes avoyr désir toucher ancores cinq cens
13
escus que madame de Senerpont luy devoyt ballyé
14
dont il n’an n’a ancores nouvelles. Nous avons achepté
15
depuis douze jours aussy ung cheval qui nous coupte
16
quarante escus pistoles pour mettre à un limon de
17
charrete lequel j’espère se trouvera bon et de fait
18
il nous charriet du vilage du boys et du foin
19
que nous y achetons, car sans ce moyen nous heussions
20
esté en grande pouvreté ses jours passés pour la grande
21
nécessité qui luy avoyt dans Paris, d’aultant que
22
la rivière c’est trouvé quelques jours toute gelée
23
de façon que il ne ce pourroyt recouvrer une seule
24
buche de boys ny moyns de foin. Je vous puis
25
asseurer, monseigneur, qu’il a fait une extrême froidure icy
26
l’espace de quinze jours durant. Nous avons aussy
27
achepté ses jours passés une charrecte. Nous sommes après
28
à faire faire ung pavilion pour ung lict
29
de quelque Damas, qu’est tout ce que je vous peus
30
escripre, après vous avouer fait antandre le bon portement
31
[v] de messieurs d’Eveynes et de Laval et de tous les
32
petis escouliers. Je metray fin à la présante après vous
33
avouer beysé très humblement les mains, je prieray le Créateur
34
monseigneur vous donner en parfaicte satté, joyeuse et
35
heureuse vie. De Paris, ce IX décembre 1572.
36
Vostre très humble et hobéyssant
37
Serviteur
38
A. de Chapponay
39
Monseigneur, depuis ma lettre escripte, j’avons fait faire ung pavilion
40
de damas vert à monsieur de Laval et le lict couplé nous
41
reviendra à cent cinquante frans